Dolores O’Riordan a fayece

E cantante principal di e grupo irlandes The Cranberries, repentinamente dialuna ultimo na inglatera.  Asina su publicista a laga sa den un comunicado.  O’Riordan tawata tin 46 anja, pero no a revela detayenan di su morto.  E comunicado ta sigui bisa cu e cantante tawata na london pa un grabacion.  The Cranberries a bira famoso den anjanan ’90 cu e hitnan manera “Linger,” “Zombie,” y “Dreams.”  E grupo a bende mas cu 40 miyon album rond mundo.  Durante anjanan, The Cranberries a lansa varios album nobo, pero na 2017, nan a cancela varios concierto tanto na merca como na europa pa motibo cu O’Riordan tawata tin hopi problema cu su lomba.  E otro miembronan di The Cranberries a bisa riba un tweet cu mundo a perde un gran artista y cu tawata un privilegio di tawata parti di su bida desde 1989.  Dolores O’Riordon a laga atras 3 yiu.