Investigacion contra Apple

Merca, Israel y awor Francia a habri un investigacion contra e compania Apple, despues cu a revela cu Apple den secreto tawata haci cu e versionnan bieu di Iphone traha cu menos velocidad. Na Francia, desde 2015 ta existi un ley cu ta bisa cu ta ilegal pa intencionalmente reduci e duracion di un producto pa asina obliga un consumidor cumpra un mas nobo. Un compania por core e riesgo di haya 2 anja den prison y un multa cu ta 5 porciento di e compania su ganashi pa anja.  Apple na su banda a pidi un disculpa pa e incidente aki y a  bisa cu no ta su intencion di haci esaki di e manera aki, pero kier a preveni cu e bateria por gasta y e consumidor no por usa e producto mas.