Europa mas sushi na mundo

Sushi sushi y mas sushi. E continente Europa ta esun cu ta produci mas sushi na mundo y ta manda mayoria di e desperdicio aki pa China recicla. Na China, e sushi ta pasa door di e proceso pa traha productonan nobo. Pa anjanan largo China tawata ta paga pa e sushi aki pa motibo cu e pais tin cu cumpli cu e demanda grandi pa provee productonan na otro paisnan. Pero awor, esaki a pasa pa pasado. Desde 1 di Januari, China a tuma un decision cu lo acepta un cantidad limita di sushi for di Europa pa motibo cu e sushi cu ta yega ta tur mal sortia y ta contene kimiconan peligroso cu por causa danjo na e medio ambiente y na salubridad en general. E decision aki por trece consecuencianan grave pa Europa door cu niun otro pais ta acepta e sushi aki na gran cantidad. Paisnan den Europa ta considerando pa cuminsa kima sushi un biaha mas pero e danjo na e medio ambiente di e paisnan aki lo ta na peliger.